Mi fydd Beics Antur yn cau am 11.00 o’r gloch dydd Gwener 02.12.22 gan fod ein parti Nadolig ymlaen!🎅🎄

Chwilio am feic yn anrheg Nadolig? 

Mae’r isod i gyd ar werth yn Beics Antur ar hyn o bryd! Galwch mewn i’w gweld neu ffoniwch ni am sgwrs ar 01286 672622 (9 – 4.30 Llun – Gwener).

Dawes Storm (melyn): oed 10-15 | £220
Concept Thunderbolt (glas tywyll): oed 7-11 | £150
Raleigh Pop (coch): oed 5-8 | £250
Frog 62 (gwyrdd): oed 7-11 | £410

*Cynnig adeiladu beic

*Gallu cadw’r beic yn ein siop tan y nadolig

*Meintiau eraill ar gael, cyrraedd cyn y nadolig

*Cefnogi busnes lleol

**Diweddariad**

Yn anffodus nid oes gennym gysylltiad Broadband ar hyn o bryd felly ni allwn dderbyn galwadau na taliadau cerdyn.

Cysylltwch drwy ebost a mi ddown nol atoch cyn gynted a phosib.

beics@anturwaunfawr.cymru

Diolch

Mae Beics Antur yn siop hurio beics wedi’i leoli yng Nghaernarfon, Gwynedd, Gogledd Cymru.

Mae safle Beics Antur ym Mhorth yr Aur nawr wedi cael ei ddatblygu yn ganolfan Iechyd a Llesiant, gyda gwasanaeth llogi a thrwsio beics, Llofft Llesiant i’w logi i gynnal gweithgareddau iechyd a llesiant, ac ystafell synhwyraidd mewn prosiect werth £1 miliwn.

Mae gennym ddewis helaeth o feiciau merched, dynion a phlant ar werth ac i’w llogi. Mae gennym hefyd fflyd o feics addasol sy’n addas i bob gallu.

Mewn lleoliad cyfleus yn agos i Gastell Caernarfon, gyda mynediad hawdd i’r llwybr beicio Lôn Las Eifion ac aber Y Foryd, rydym yn cynnig gwasanaeth gwych am brisiau gwych.

Mae Beics Antur yn rhan o deulu Antur Waunfawr. Rydym yn darparu ar gyfer teuluoedd a grwpiau, ac yn falch o gynnig gwasanaeth personol.

Rheilffordd Eryri

Taith ar drên wedi’i ddilyn gan daith feicio … am ddiwrnod allan bendigedig! Mae Rheilffordd Eryri yn rhedeg o’r Cei yng Nghaernarfon drwy gefn gwlad hardd gogledd Cymru, heibio pentrefi Waunfawr a  Beddgelert i  Borthmadog. Mae’n bosib mynd â’r beics o Beics Antur ar y trên (heb unrhyw dâl ychwanegol) a beicio yn ôl i Gaernarfon ar Lôn Eifion, y llwybr beicio di-draffig, ond mae’r rheilffordd yn gofyn i chi ffonio o flaen llaw i sicrhau lle. Am ragor o wybodaeth: www.festrail.co.uk/cym_index.htm

Llwybrau Beicio o Gaernarfon

Lôn Eifion: llwybr adnabyddus sy’n ymestyn am 12 milltir o Gaernarfon am Borthmadog.

Lôn Las Menai: llwybr 4 milltir ar hyd Y Fenai rhwng Caernarfon a’r Felinheli (am Fangor).

Y Foryd: lôn wledig dawel sy’n cynnig taith ysgafn gyda golygfeydd trawiadol ar draws Y Fenai drosodd i Ynys Môn (nid yw’n lôn ddi-draffig)

Lôn Gwyrfai: llwybr o Gaernarfon trwy gefn gwlad at bentref Waunfawr – ar lwybr ac ar hyd y ffordd.

Am gwasanaethau llogi, gwerthu a thrwsio beics

ORIAU AGOR AR HYN O BRYD:

 Dydd Llun – Gwener: 9.00 y.b – 4.30 y.h

Wedi cau: Dydd Sadwrn a Dydd Sul dros y Gaeaf

Cefnogwyd y prosiect hwn gan Gronfa Datblygu Rhanbarthol Ewrop trwy Lywodraeth Cymru; y Gronfa Treftadaeth Bensaernïol; Gronfa Gofal Integredig Llywodraeth Cymru; Rhaglen Cyfleusterau Cymunedol Llywodraeth Cymru; a dyfarniad gan sefydliad Garfield Weston.