Bin Compostio

Gwybodaeth

Gwasanaethau

Bin Compostio am ddim.

Mae Cyngor Gwynedd mewn partneriaeth a Cynllun Warws Werdd Antur Waunfawr yn rhoi biniau compost am ddim i bobl Gwynedd. Mae modd compostio llawer o wastraff o'r gegin a'r ardd, gan leihau faint o wastraff sydd yn mynd i'ch bin arferol i'w dirlenwi.

“Mae defnyddio bin compost yn gwneud gwahaniaeth mawr i faint o wastraff sy’n mynd i’r bin arferol oherwydd bod yna gymaint o amrywiaeth, megis, ffrwythau a llysiau amrwd llwch o’r sugnwr llwch, crafion cytiau anifeiliaid anwes, papur newydd, cardfwrdd a gwair o’r ardd a llawer mwy.”
Gwenllian Roberts – Swyddog Addysg Ailgylchu (Cyngor Gwynedd)

Beth am roi cynnig ar gompostio?:
gwastraff o'r gegin: croen llysiau, gwastraff ffrwythau, bagiau te a gwastraff coffi, plisgyn ŵy, blodau wedi marw
gwastraff o'r ardd: toriadau gwair, toriadau gwrychoedd, coesau llysiau, chwyn, dail
gallwch hefyd roi: gwellt, gwely cwningen/mochyn cwta, papur wedi ei dorri neu’i rwygo, ffibr naturiol, llwch lli, llwch coed, cardfwrdd a llwch o'r hoover.

Cofiwch:
Nid yw'n addas rhoi: cig, pysgod neu esgyrn, braster neu olew coginio, baw cŵn a chathod, papur gloyw, plastig, gwydr, metel, planhigion heintus.

Drwy gompostio mae modd i chi:

helpu i leihau faint o wastraff sy’n mynd i domennydd sbwriel
lleihau costau tirlenwi uchel
gwneud gwrtaith naturiol gwych eich hun am ddim

Am ragor o wybodaeth am gompostio, ac gwneud cais am fin compost, cysylltwch â’r Ddesg Gymorth Gwastraff/Ailgylchu: (01286) 679872. Ar ol i chi dderbyn llythyr gan Gwynedd, fydd fin compost
ar gael i chi gasglu am ddim o’r Warws Werdd ar Stad Cibyn yn Caernarfon.

Cwestiynau Compostio

Beth ydy bin compost?
Mae bin compost yn fin rydych yn adael yn eich gardd ac yn ychwanegu deunyddiau sy'n pydru iddo, sy'n creu compost i chi ei ddefnyddio yn eich gardd.

Sut mae cael bin compost?
Mae Cyngor Gwynedd yn cynnig un bin compost i bawb yng Ngwynedd. Mae'r biniau am ddim, ond mae'n rhaid cosfrestru am fin drwy gysylltu â'r Ddesg Gymorth, mae'r manylion cyswllt isod. Byddwn yn trefnu dyddiau dosbarthu ar gyfer y biniau.

Pa mor fawr ydy'r bin?
Rydym yn cynnig dau faint gwahanol, mae'r lleiaf yn dal 220 litr a'r mwyaf yn dal 330 litr.

Ydy'r bin compost yn drewi?
Mae'n bwysig bod y deunyddiau cywir yn cael eu rhoi yn eich bin, gyda chyfuniad o ddeunyddiau 'sych' fel papur a llwch lli a deunyddiau 'gwlyb' fel gwair wedi ei dorri a ffrwythau a llysiau amrwd. Mae'n bwysig hefyd bod y bin compost yn cael digon o aer, drwy ddefnyddio fforch neu goes brws bob yn hyn a hyn. Os bydd gormod o un math o ddeunydd, neu dim aer gall achosi peth arogl.

Ga' i roi bwyd wedi ei goginio yn y bin compost?
Nid yw bwyd wedi ei goginio yn addas ar gyfer y bin compost.

Fydd y bin yn cael ei wagio gan y Cyngor?
Ni fydd y Cyngor yn gwagio'r bin compost. Gallwch ddefnyddio'r compost sydd yn cael ei greu yn eich gardd.

Lle ddylwn i ei roi o?
Yn ddelfrydol dylai'r bin compost gael ei osod ar wair/pridd, mewn man sydd yn cael llawer o haul.

Fydd o yn denu llygod mawr?
Os nad oes llygod mawr yn y safle yn barod ni fydd bin compost yn denu llygod mawr. Mae'n bwysig peidio â rhoi bwyd wedi ei goginio yn y bin compost, gall hyn eu denu.

Am wybodaeth ychwanegol gweler http://www.cymorthcompost.org