Storfa Ddodrefn Warws Werdd : 01286 674 155

Ar agor : Llun-Gwen = 9yb i 4yp: Iau = 9yb i 6yh : Sadwrn = 10yb i 1yp : Rydym ar agor BOB Gŵyl Banc.. Maes parcio cyfleus i gwsmeriaid. Gwasanaeth danfon lleol ar gael am gyn lleied â £5.00. Gan fod gennym dros gannoedd o eitemau mewn stoc, mae’n werth ymweld â ni. Sefydlwyd y Warws Werdd er mwyn darparu manteision amgylcheddol a chymdeithasol; a gwnawn hyn drwy gynhyrchu cyllid a fydd yn fodd o ddatblygu mwy o gyfleoedd gwaith ac hyfforddiant ar gyfer pobl gydag anabledd dysgu a thrwy arbed eitemau o ddodrefn o gladdfeydd gwastraff. Mae ein stoc o ddodrefn yn newid yn wythnosol ac rydym ar agor ar gyfer pawb. Yr hyn a welwch yw’r hyn a brynwch. O safbwynt unrhyw eitem gellwch fynd â hi gartref heddiw. Rydym yn gwerthu ystod mor eang â phosibl o ddodrefn ail-law, yn cynnwys dodrefn swyddfa, llofftydd, lolfa, cegin, stafell folchi a stafell haul. Fe gawsom y math hwn o stoc drwy roddion hael unigolion a sefydliadau ledled Gwynedd ac Ynys Môn, pobl sy’n cefnogi’r gwaith a wnawn er lles yr amgylchedd ac unigolion gydag anabledd dysgu. Rydym hefyd yn gwerthu dau fath o Ddodrefn Adferedig. Mae’r math cyntaf o ddodrefn adferedig yr ydym yn ei werthu yn ddodrefn hynafol a chasgladwy “retro” ac mae gennym bob amser ddetholiad o ddodrefn derw, mahogani a phinwydd o ddechrau i ganol yr 20fed ganrif a darnau “retro” gan Ercol, Gplan a Stag o 1950au i’r 1970au.

Mae’r ffynhonnell fwyaf o ddodrefn gwastraff yn y DU yn dod nid o gartrefi, ond oddi wrth adwerthwyr  a gweithgynhyrchwyr dodrefn, ac er mwyn lleihau swm y math hwn o ddodrefn rhag mynd i gladdfeydd gwastraff, rydym yn eu hadfer ac yn eu gwerthu. Bob amser yn y Warws Werdd, mae gennym ddodrefn llofftydd a ddifrodwyd wrth eu cludo, dodrefn ni chynhyrchir mwyach, stoc i’w glirio a stoc a ddychwelwyd gan y cwsmer a stoc a gawn o nifer o adwerthwyr a gweithgynhyrchwyr dodrefn mwyaf y DU.    
 
Rydym yn gwerthu y dodrefn hyn, wedi eu hatgyweirio a’u cydosod am lai na 30% i 60% o bris adwerthu gwreiddiol y stryd fawr. Gall y stoc hwn gynnwys setiau tridarn lledr cyfoes, byrddau a chadeiriau bwyta, gwelyau maint brenin, dwbl, seng a bync, wardrobau pinwydd, cist ddroriau, byrddau coffi, unedau adloniant, byrddau ochr, bocsys plancedi ac amrywiaeth o unedau ar gyfer storio