Dafydd Emrys yn ‘Jac’ go iawn!

Cafodd Dafydd Emrys, un o weithwyr Caergylchu dipyn o sioc ddydd Mercher diwethaf pan ddaeth Ffion Jones, Arena Network draw i Gaergylchu.  Mae Ffion wedi bod yn rhoi cyngor i’r Antur ar ddatblygu sustem Draig Werdd i brofi effeithlonrwydd amgylcheddol.

Arwahan i’r ochr waith, mae Ffion hefyd yn chwaer i Owain Tudur Jones, chwaraewr pel-droed Abertawe a Chymru.  O wybod fod Dafydd Emrys yn gefnogwr brwd o’r ‘Jacs’ fe wnaeth Ffion gysylltu a’i brawd i ofyn am ei lofnod.  Roedd staff yr Antur wedi disgwyl rhaglen, neu efallai llun wedi’i arwyddo fel syrpreis i Dafydd, ond ‘roedd pawb wedi’u syfrdanu o weld fod Owain wedi llofnodi crys go iawn Abertawe, un a wisgwyd ganddo ef mewn un o’r gemau llwyddianus diwedd tymor yma!