|
|
Gwasanaeth Ailgylchu Cymunedol a Masnachol: 01286 669 330 |
 |
Sefydlwyd Adran
Ailgylchu Antur Waunfawr ym 1994 ar safle Dinas,
Llanwnda gan gyflogi 4 o bobl.
Tyfodd yr Adran yn gyflym iawn yn sgil ennill cytundeb
ailgylchu cymunedol ym 1996 a symud i safle Depo West End ym
Mangor. Yn Mawrth 2007 gyda lawnsiad cynllun ailgylchu
strategol fydd rhaid ir Adran symud eto, y tro hwn i safle
ar stad ddiwidianol Cibyn yn Caernarfon, or enw Caergylchu.
|
Mae Caergylchu yn gynllun sy’n
anelu i leihau gwastraff, ac annog ail-ddefnyddio ac
ailgylchu o fewn ardal Arfon yn bennaf. Mae’n bartneriaeth
rhwng Cyngor Gwynedd, Cwmni Gwastraff Môn ac Arfon (CGMA) ac
Antur Waunfawr Ailgylchu (AWA).
Ailgylchu ar gyfer Swyddfeydd:
Prisiau o £200 + TAW y flwyddyn
Gyda mwy a mwy o
fusnesau yn gosod targedau lleihau gwastraff ac ailgylchu,
mae’n bwysicach nag erioed i ddarganfod cwmni ailgylchu
gwastraff sy’n hyblyg ac yn sensitif i’r amgylchedd. Mae
Antur Waunfawr Ailgylchu, fel ailgylchwr papur pwysig a
darparwr gwasanaethau y gellir dibynnu arnynt , hefyd yn
gallu cynnig gwasanaeth dibynadwy a chyfleus ar gyfer symud
gwastraff arferol swyddfeydd yn cynnwys papur,caniau a
chetris. Lle bynnag y mae’n bosibl, ailgylchir y gwastraff
hwn a gellir cyflwyno tystysgrifau er mwyn i chi allu dangos
yn glir i’r staff a rheolwyr sut y mae eich mentrau
ailgylchu yn y swyddfa o fuddd i’r amgylchedd.
Drwy ddewis ein
gwasanaeth byddwn yn ailgylchu bron bob math o wastraff
arferol swyddfeydd gan gynnwys:
Papur – cyfrinachol a
ddim yn gyfrinachol
Mae un dunnell fetrig o bapur wedi
ei ailgylchu yn arbed 17 coeden
Caniau
Mae gwneud un can alwminiwm o
ddefnyddiau crai yn defnyddio’r un swm o egni ag sydd ei
angen i ailgylchu 20
Cetris
Pe buasai cetris yn cael eu stacio
o ben i ben, buasai’r cetris a deflir ymaith mewn un
flwyddyn yn ymestyn dros bellter 24,000 milltir
(digon i amgylchynu’r ddaear) |
Rhwygo Data
Cyfrinachol: Prisiau o £4 +TAW y bag.
Yn y dwylo anghywir, gall rhywbeth mor gyffredin â phapur â phennawd
iddo gael ei ddefnyddio i gael at ddata cyfrinachol neu i ddwyn
gwybodaeth eich busnes. Mae mor syml â hynny.
Mae gennych ddyletswydd gyfreithiol
o dan Ddeddf Gwarchod Data i warchod y data cyfrinachol hyn yn
effeithiol ac mae’r gyfraith yn gorchymyn hyn.
Y ffordd symlaf o sicrhau y gellir
cael gwared â gwastraff gyfrinachol mewn modd rheoledig a
chydymffurfiol yw defnyddio cwmni arbenigol sy’n dinistrio data
cyfrinachol. Mae Antur Waunfawr Ailgylchu yn darparu gwasanaeth
casglu a malu cyfrinachol diogel. Pan fydd angen dinistrio dogfennau,
gellwch ddibynnu ar Antur Waunfawr Ailgylchu i gael gwared yn
ddiogel â’ch gwastraff cyfrinachol.
Mewn amgylchedd busnes sy’n gynyddol gystadleuol a deddfwriaethol,
mae cael gwared â gwybodaeth sensitif mewn modd diogel yn achos
pryder cynyddol. Mae malu dogfennau yn dileu‘r risg o wastraff
cyfrinachol yn glanio mewn dwylo anghywir ac yn gwarantu bod
gwybodaeth yn cael ei llwyr ddinistrio mewn amgylchedd hynod o
ddiogel.
Cynlluniwyd ein gwasanaeth llarpio
dogfennau yn benodol ar gyfer cynnig ateb syml a dibynadwy i
gyfarfod â’ch anghenion, pa un yn un swmpgliriad neu yn gasgliad
rheolaidd rhestredig.
Yn Antur Waunfawr Ailgylchu credwn
fod diogelwch yn dechrau o fewn eich adeiladau a bod cadw gwastraff
cyfrinachol yn holl bwysig. Am y rheswm hwn, mae Antur Waunfawr
Ailgylchu yn cynnig amrediad o unedau ar gyfer casglu a storio
gwastraff ar eich safle.
Mae Antur Waunfawr Ailgylchu
yn darparu
gwasanaeth hyblyg sydd wedi ei deilwra i gyfarfod â gofynion penodol
ei gwsmeriaid;
 |
- Fe gesglir
y deunyddiau yn uniongyrchol o eiddo’r cwsmeriaid. Rydym yn
casglu’n gyson bob wythnos o swyddfeydd ar draws Gogledd Cymru.
Pa un a ydych angen casglu’n wythnosol , neu bob pythefnos neu’n
fisol, neu os ydych am gael symud y defnyddiau ar un tro gallwn
ddarparu ar eich cyfer.
- Gellir
darparu sachau ar gyfer cwsmeriaid os oes angen.
- Hefyd os
oes angen gellir cyflenwi tystysgrif i brofi'r dinistr.
|
 |
Mae’r gwasanaeth a ddarperir gan Antur Waunfawr
Ailgylchu
yn un diogel:
Gwneir Archwiliadau cyson a thrwyadl gyda thrwydded gyfresol o
ddinistr.
Mae cymeriad pob un o weithwyr Antur Waunfawr Ailgylchu wedi ei
wirio o safbwynt diogelwch.
Mae deunyddiau yn cael eu llarpio i 15mm.
Mae ein ffatri brosesu o fewn datblygiad diogel gyda diogelwch ddydd
a nos.
Mae’r holl bapur llarpiedig yn cael ei wneud yn
fyrnau, yn barod i’w gyrru i’r melinau papur ar gyfer ailgylchu, lle
y’u defnyddir i weithgynhyrchu amrywiaeth eang o gynhyrchion o bapur
sidan i bapur o ansawdd uchel.
 |
Pam ailgylchu?
Mae’n ystadegyn brawychus yr amcangyfrif fod busnesau y DG
yn unig wedi cynhyrchu dros 80 miliwn tunnell fetrig o
wastraff yn 2006. Yn ôl Asiantaeth yr Amgylchedd, mae llai
na 40% o’r gwastraff hwn yn cael ei ailgylchu a thros 35
miliwn tunnell fetrig yn mynd yn syth i gladdfeydd sbwriel. |
Eich proffidioldeb
Mae cael gwared â gwastraff yn awr yn costio i ddiwydiant y DG hyd
at 5% o drosiant blynyddol; buasai gweithredu rhaglen ailgylchu
gynhwysfawr yn arbed hyd at £1000 y gweithiwr i’ch cwmni.
Eich rhwymedigaeth gyfreithiol
Mae “Cyfrifoldeb y Cynhyrchydd” yn egwyddor allweddol yn yr
amgylchedd busnes presennol ac mae nifer o fusnesau yn awr yn rhwym
yn gyfreithiol i gyflawni targedau ailgylchu a osodir gan
ddeddfwriaeth megis Rheoliadau Pacedu Gwastraff 2005 a Deddf
Gwarchod Data 1998.
Cyfrifoldeb Cymdeithasol Corfforaethol
rwy fod mwy a mwy o
dreulwyr yn galw am nwyddau o ffynonellau cynaliadwy ac yn archwilio
cymwysterau ecolegol busnesau, mae’n talu i ailgylchu
Manylion Cyswllt: Dafydd Arfon Jones
Antur Waunfawr Ailgylchu
Caergylchu
Stad Ddiwidiannol
Cibyn
Caernarfon
Gwynedd.
LL55 2BD
01286 669 330
dafydd@anturwaunfawr.org |
