|
Cefnogwch ni gan lawrlwtho,
printio ac dangos yr taflen uchod |
Mae'r
gwasanaeth newydd yma wedi cael ei lawnsio gan yr Antur yn
ddiweddar. O hyn ymlaen mae unigolion a
mudiadau yn gallu trefnu i'r Antur ddod a casgladiau dillad
a defnydd or cartref yw ailgylchu. I unigolion ac
mudiadau sydd eisiau, gallent hefyd ddod a'i defnyddiau a
dillad i'r warws werdd eu hunain. Ni fyddwn yn cyfyngu ar y
nifer o sachau. Dewch a cyn gymaint a medrwch...
Gan
roddi eich hen ddillad i Antur Waunfawr nid yn unig byddwch
yn cyfrannu at yr amgylchedd a’r economi leol ond hefyd
byddwch yn cefnogi gwasanaethau gwaith a hyforddiant mae’r
Antur yn rhedeg er mantais pobl lleol gydag anableddau dysgu.
Anfonir dros miliwn tunnell fetrig o decstiliau i safleoedd
tirlenwi phob blwyddyn. Dillad yw rhwng 400,000 a 700,000
o’r tunelli hynny, a gallen ni ailgylchu o leiaf 85% ohonyn
nhw.
Mae hen ddillad sy'n cyrraedd Antur Waunfawr yn cael eu
hail-wehyddu'n ddefnydd newydd neu eu hailgylchu i'w
defnyddio fel deunyddiau llenwi neu glytiau glanhau.
Anfonir miloedd o dunelli o hen ddillad i safleoedd tirlenwi
yng Nghymru bob blwyddyn. Mae tecstiliau'n creu
problemau dyrys mewn safleoedd tirlenwi oherwydd nad yw
deunyddiau synthetig yn dadelfennu tra bod
deunyddiau naturiol fel cotwm yn pydru ac yn cynhyrchu
methan sy'n cyfrannu at gynhesu byd-eang.
Pe bai pob unigolyn yn prynu un dilledyn wedi'i ailgylchu
bob blwyddyn byddai hynny'n arbed ar gyfartaledd 371 miliwn
galwyn o ddwr a 480 tunnell fetrig o liwiau cemegol.
Gallwch chi gyfrannu trwy chwilio'ch cwpwrdd a
didoli'r pethau na fyddwch chi'n eu gwisgo. Efallai fod
gyda chi ffrog sy'n rhy fach neu grys a brynoch chi'n
fyrbwyll.
Os nad ydych yn ei wisgo fo… Ailgylchwch o
Gallwch rhoi dillad a defnydd mewn cyflwr da, medrwch hefyd
rhoi dillad sydd wedi hen dreulio, am fod modd eu ailgylchu
i wneud dillad a defnydd newydd sbon.
Cysylltwch gyda Antur Waunfawr ar
01286 674 155
i
drefnu dyddiad cyfleus i gasglu eich dillad ddi-angen.
Dyddiau Casglu:
Llun:
Casglu’n
lleol
yng
Nghaernarfon, Llanberis, Llanrug, Waunfawr a’r ardaloedd
cyfagos.
Mawrth:
Casglu
ym
Mangor
a’r
ardaloedd o amgylch.
Mercher:
Casglu’n
lleol
(gweler
uchod)
Iau:
Ynys Môn
Gwener:
ardaloedd Pen Llŷn a Porthmadog
|
