Gwyl Fai 2009

Ar yr ail o Fai flwyddyn yma bydd yr Antur yn dathlu 25 mlynedd ers ei sefydlu fel menter cymunedol yn 1989.

Gweithgareddau

Fydd gweithgareddau amrywiol addas i’r holl deulu yn digwydd drwy'r dydd – stori, sesiwn gelf, ceffyl a throl, BBQ, caffi, cerddoriaeth byw trwy’r prynhawn, Doniau Cudd, Band Ieuenctid Llanrug a Dafydd Iwan.

Dau ddigwyddiad mawr y diwrnod fydd seremoni agor gardd Goffa Gwynn Davies (sylfaenydd Antur Waunfawr), ac ail lawnsio Siop Bryn Pistyll yng nghwmni Alun Fred Gweinidog Treftadiaeth.

Gwyl Gerddorol

Flwyddyn yma bydd Gwyl Fai yn cynnal cyfres o sioeau gan rai o fandiau mwya cyfoes Cymru. Yn gorffen y noson ar y brif lwyfan fyd Sibrydion, band sydd wedi ennill llwyddiant yn ddiweddar tu hwnt i Gymru. Yn arwain y llwyfan acwstig fydd Gwibdaith Hen Fran, grwp sydd wedi ennill poblogrwydd eang gyda'u caneuon bachog a direidus.

Gwyl Werdd

Yn ogystal a bod yn elusen sydd yn delio a phobl, mae'r Antur yn ymroddedig i'r ymdrech amgylcheddol. I adlewyrchu hyn bydd yr wyl yn cael ei bweru yn gyfangwbl ar ynni gwyrdd adnewyddadwy.

Bydd y cyflenwad egni yn cael ei ddarparu drwy dechnoleg paddle power, sef beiciau ymarfer corff wedi eu cysylltu a generadur. Bydd cyflenwad ychwanegol yn dod o baneli casglu ynni solar.

Croeso cynnes i bawb.